ჩვენ ვიცით! ვიცით, რომ საქართველოს დახმარება სჭირდება. და ვისი იმედი შეიძლება ჰქონდეთ იქ დარჩენილ ადამიანებს, თუ არა ქართველი ემიგრანტების, რომელთაც საკუთარ თავზე აქვთ გამოცდილი ყველა ის გასაჭირი, რომელშიც, დღეის მდგომარეობით, ჩვენი ქვეყანა იმყოფება.

ჩვენ ვიცით, რომ თითოეული ემიგრანტი  მაქსიმუმს აკეთებს გაჭირვებულების დასახმარებლად. გვინდა, ამ დახმარების ყოველი  წვეთი შევაერთოთ და ზღვად ვაქციოთ.  ჩვენ, როგორც მოხალისეები, მზად ვართ, ორგანიზება გავუწიუოთ ყველა სახის შემოწირულობას : როგორც ფულის, ასევე, ნივთების შეგროვებას და მიზანმიმართულად გადაცემას მათთვის, ვისაც ეს დასჭირდება.

პროცესი  სრულიად გამჭირვალეიქნება, ვებ გვერდზე დაიდება და აღირიცხება ყველაფერი, რის ნახვასაც თავად შეძლებთ ნებისმიერ დროს.

რატომ ვთვლით, რომ საჭიროა დახმარების ორგანიზება?! ამის მიზეზია ნივთები, სათამაშოები და ტანისამოსი, რომელსაც ემიგრანტები გაგზავნის საფასურის კოლოსალური ფასის  გამო ვერ ვაგზავნით და უბრალოდ ვყრით. ჩვენი ჯგუფი მზადაა, შეაგროვოს ყველაფერი, რაც თქვენ არ გჭირდებათ, მაგრამ გამოიყენებენ საქართველოში და გავაგზავნოთ კონტეინერით, 1კგ_ზე  0.30$ საფასურით.

ხაზგასმით გვინდა აღვნიშნოთ, რომ ჩვენ ვართ მოხალისეები, არ ვიღებთ ანაზღაურებას. ყველანაირი დონაცია მოხმარდება მხოლოდ და მხოლოდ იმ  პირებს, ვინც ამას საჭიროებს.

ყველას, ვისაც სურვილი ექნება, შეუძლია შემოუერთდეს ჩვენს ჯგუფს.